2. ബന്ധുരം ബന്ധങ്ങൾ എങ്കിലും..

ധാരാളം പ്രതാപികളായ ബന്ധുക്കൾ ഉണ്ടായിട്ടും തിരസ്‌ക്കാരത്തിന്റെ കയ്പ്പിൽ കുതിർന്ന ബാല്യ കൗമാരങ്ങളെക്കുറിച്ച് ആത്മകഥയിൽ  ശ്രീകുമാരൻ തമ്പി പ്രതിപാദിക്കുന്നുണ്ട്.

അരങ്ങത്ത് ബന്ധു ചമയുന്നവർ അണിയറയിൽ ശത്രുത പുലർത്തുന്ന ജീവിത നാടകം അദ്ദേഹത്തിൻ്റെ പല പാട്ടുകളിലും സൂചിപ്പിക്കപ്പെട്ടു കാണാം. അത്രമേൽ കയ്പ്പ് കുടിച്ചത് കൊണ്ടാവാം മലയാള സിനിമയിൽ ബന്ധങ്ങളുടെ പൊള്ളത്തരത്തെ കുറിച്ചു ഏറ്റവും കൂടുതൽ ഗാനങ്ങൾ രചിച്ചിട്ടുള്ളത് അദ്ദേഹമാണ് എന്നാണ് എൻ്റെ ധാരണ. 

അതിൽ എനിക്ക് ഏറ്റവും പ്രിയപ്പെട്ടത് അദ്ദേഹം തന്നെ സംവിധാനം ചെയ്ത "മോഹിനിയാട്ടം" എന്ന ചിത്രത്തിലെ ഒരു ഗാനമാണ് 'സ്വന്തമെന്ന പദത്തിന്ന് എന്തർത്ഥം' എന്ന് തുടങ്ങുന്ന ഗാനം. ജീവിത സാഹചര്യങ്ങളിലെ സാധാരണത്വത്തിൽ നിന്ന് താത്വിക  അന്വേഷണത്തിന്റെ ഉന്നത തലങ്ങളിലേക്ക് ഈ ഗാനത്തെ കൊണ്ടെത്തിക്കുന്നു അദ്ദേഹത്തിന്റെ പ്രതിഭ. ആലോചിച്ചു നോക്കിയാൽ ഒറ്റയ്ക്ക് വന്നു ഒറ്റയ്ക്ക് മടങ്ങുന്നതിനിടയിൽ സ്വന്തബന്ധങ്ങൾ എല്ലാം ക്ഷണികമല്ലേ?

 ഗാനം:

സ്വന്തമെന്ന പദത്തിനെന്തർത്ഥം - ഈ

ബന്ധമെന്ന പദത്തിനെന്തർത്ഥം

ബന്ധങ്ങൾ സ്വപ്നങ്ങൾ ജലരേഖകൾ

 

പുണരാൻ അടുക്കുമ്പോൾ പുറംതള്ളും തീരവും

തിരയുടെ സ്വന്തമെന്നോ

മാറോടണയ്ക്കുമ്പോൾ പിടഞ്ഞോടും മേഘങ്ങൾ

മാനത്തിൻ സ്വന്തമെന്നോ

പൂവിനു വണ്ട് സ്വന്തമോ

കാടിനു കാറ്റു സ്വന്തമോ

എനിക്ക് നീ സ്വന്തമോ, ഓമനേ

നിനക്ക് ഞാൻ സ്വന്തമോ

 

വിടർന്നാൽ ഉടനെ കൊഴിയുന്ന പുഞ്ചിരി

അധരത്തിൻ സ്വന്തമെന്നോ

കരൾ പുകഞ്ഞാൽ ഊറും കണ്ണുനീർ മുത്തുകൾ

കണ്ണിൻ്റെ സ്വന്തമെന്നോ

കാണിക്ക് കണി സ്വന്തമോ

തോണിക്ക് വേണി സ്വന്തമോ

എനിക്ക് നീ സ്വന്തമോ, ഓമനേ

നിനക്ക് ഞാൻ സ്വന്തമോ

***** 

 ഈ സത്യം അദ്ദേഹം ധ്വനിപ്പിക്കുന്നത് പ്രകൃതിയിൽ നിന്നുള്ള മനോഹരമായ ബിംബങ്ങൾകൊണ്ടാണ്. എനിക്ക് എടുത്തുപറയാൻ തോന്നുന്ന വരികൾ ആദ്യ ചരണത്തിലെ

"പുണരാൻ അടുക്കുമ്പോൾ പുറംതള്ളും തീരവും

തിരയുടെ സ്വന്തമെന്നോ

മാറോടണയ്ക്കുമ്പോൾ പിടഞ്ഞോടും മേഘങ്ങൾ

മാനത്തിൻ സ്വന്തമെന്നോ"

എന്ന വരികളാണ്.

തീരത്തിന്റെ മാറിൽ വന്നടിയുക എന്നതാണ് ഏതു തിരയുടെയും പരമഗതി. മേഘങ്ങൾ ഇല്ലെങ്കിൽ മാനം എന്നത് ശൂന്യത മാത്രം. അതുകൊണ്ട് ഈ നിരാസം എത്ര ആവർത്തിച്ചാലും തിരയ്ക്ക് തീരത്തെ അണയാതെ തരമില്ല. മാനത്തിന്ന് മേഘങ്ങൾക്ക് മുമ്പിൽ കൈനീട്ടാതെയും ആവില്ല.

pic courtesy

ചിത്രം: മോഹിനിയാട്ടം 

വർഷം: 1976 

രചന, സംവിധാനം : ശ്രീകുമാരൻ തമ്പി 

സംഗീതം : ദേവരാജൻ 

ആലാപനം: യേശുദാസ് 


ഗാനത്തിന്റെ ലിങ്ക് ചുവടെ 

https://www.youtube.com/watch?v=TwnW6BBLXwc



Comments

Post a Comment

Popular posts from this blog

10. കളിയാടും ദൈവങ്ങൾ

Image
pic: wiki പുരാതന സംസ്കാരത്തിൽ ദൈവങ്ങൾക്ക് മനുഷ്യരുടെ സകല സ്വഭാവങ്ങളും ഉണ്ടായിരുന്നു. കളികളും അടിപിടി കശപിശയും എലാം അവർക്കും വിധിച്ചതായിരുന്നു. ഇന്ത്യൻ സംസ്കാരത്തിലെ ദൈവങ്ങൾ എന്ന പോലെ ഗ്രീക്ക് റോമാ സംസ്കാരങ്ങളിലും ഇത് കാണാം.  "വികൃതി ബാലന്മാർക്ക് തുമ്പികൾ എന്ന പോലെയാണ് ദൈവങ്ങൾക്ക് നാം, വിനോദത്തിനായി അവർ നമ്മെ കൊല്ലുന്നു" എന്ന് ഷേക്‌സ്‌പിയർ പറയുമ്പോൾ തുമ്പികളെക്കൊണ്ട് കല്ലെടുപ്പിക്കുന്ന കളി ദൈവങ്ങൾക്കും ഉണ്ട് എന്ന് തോന്നിപോകുന്നു.   നമ്മുടെ ദൈവങ്ങൾക്കും ധാരാളം കളികൾ കൽപ്പിച്ച് നൽകുന്നുണ്ട്. സാക്ഷാൽ പരമേശ്വരന്റെ വിനോദ കളികൾ തിരുവിളയാടൽ എന്ന പേരിൽ പ്രസിദ്ധം. ഭക്തരെ കളിപ്പിക്കാത്ത അവതാരങ്ങൾ കുറവാണ്.  ശിവപ്രീതിക്കായി പാർവ്വതി ആടുന്ന നൃത്തം തിരുവാതിര രാവുകൾക്ക് മാറ്റ് കൂട്ടുന്നുണ്ട്. അങ്ങിനെയുള്ളൊരു ഗാനമാണ് തീർത്ഥയാത്ര (1972) എന്ന സിനിമയ്ക്ക് വേണ്ടി പി ഭാസ്കരൻ രചിച്ച് എ ടി ഉമ്മർ സംഗീതം നൽകിയ ഈ ഗാനം.  കണ്ണടച്ച് ഈ പാട്ട് കേട്ട് നോക്കു. പാൽ പോലെ പരന്ന, തെളിഞ്ഞ നിലാവൊളിയിൽ ദേവഗണങ്ങൾ കണ്ടു നിൽക്കെ പന്തടിച്ചാടുന്ന ദേവിയുടെ നടനം തെളിയുന്നില്ലേ..  ചന്ദ്രകലാധരന്ന് കൺ കുളിർ...
Read more

12. അർത്ഥമില്ലായ്മയുടെ അമരഗീതങ്ങൾ

Image
  image: courtesy രണ്ട് മഹായുദ്ധങ്ങൾ ലോകത്തെ അനിശ്ചിതത്വത്തിലാക്കിയ ഇരുപതാം നൂറ്റാണ്ടിൻറെ ആദ്യപാദത്തിൽ, പ്രബലമായ സർഗ്ഗസൃഷ്ടികളിൽ, പ്രത്യേകിച്ച് സാഹിത്യത്തിൽ, പ്രതിഫലിച്ച നിരർത്ഥകത അസ്തിത്വ ദുഃഖം എന്ന പേരിലറിയപ്പെട്ടു. നമ്മുടെ നാറാണത്ത് ഭ്രാന്തൻ സ്വന്തം ജീവിതത്തിലൂടെ പാഠം പകർന്ന നിരർത്ഥകതയ്ക്ക് ഗ്രീക്ക് പുരാണത്തിലെ സമാന കഥാപാത്രമായ സിസിഫസിനെ കൂട്ട്പിടിച്ച് ആൽബർട്ട് കാമു രചിച്ച "ദ മിത്ത് ഓഫ് സിസിഫസ്" എന്ന വ്യാഖ്യാനകൃതി ലോക വിചാരധാരയെ കാര്യമായി സ്വാധീനിച്ചു. തണുത്തുറഞ്ഞ വിസ്‌മൃതിയിലാണ്ടുകിടന്ന ജീവിതത്തിൽ വസന്തത്തിന്റെ തുടിപ്പുമായി വരുന്ന ഏപ്രിൽ ക്രൂര മാസമാവുന്നത് അത് വീണ്ടും പുതിയ ജീവിതങ്ങൾ കിളിർക്കാൻ കാരണമാവുന്നത് കൊണ്ടാണ്. അർത്ഥമില്ലാത്ത ജീവിതത്തിലെ വിരസ ജീവിതങ്ങൾ ആയാസത്തിൻ്റെ അനുവർത്തനങ്ങളാണ് (ടി എസ് എലിയറ്റിന്റെ തരിശുഭൂമി.)  ഇതിന്റെ പ്രതിഫലനങ്ങൾ മലയാളത്തിലും ഉണ്ടായി. മുകുന്ദൻ ഓ വി വിജയൻ തുടങ്ങിയവരുടെ ആദ്യകാല രചനകളിലും ആധുനിക കവികളിലും എഴുപതുകളുടെയും എണ്പതുകളുടേയും സിനിമകളിലും ഈ വിചാരധാരയുടെ സ്വാധീനം കാണാം.  ജീവിതാസക്തി നഷ്ടപെട്ട് ശൂന്യതയുടെ ഉപാസകരായി മാറിയ ക്യാംപസുകളിലെ ...
Read more

9. സ്വപ്‌നങ്ങൾ

Image
  image source: Wiki https://upload.wikimedia.org/wikipedia/commons/6/6d/Vatalar_Ramavarma.jpg സ്വപ്നങ്ങൾ കാണുവാനുള്ള കഴിവ് മനുഷ്യർക്ക് മാത്രമായിരിക്കും, അല്ലെ? മനുഷ്യ മനസ്സുകളുടെ സന്തത സഹചാരിയായ സ്വപ്നം കവികളെയും ഏറെ സ്വാധീനിച്ചിട്ടുണ്ട്. പറയാനും ഓർമ്മിക്കാനും ആളുകൾ കൂടുതൽ ഇഷ്ടപ്പെടുന്നത് സുഖകരമായ സ്വപ്നങ്ങളാണ്. അല്ലാത്തത് "ദുഃസ്വപ്‌നം" എന്ന ഫോൾഡറിലേക്ക് മാറ്റി പിന്നീട് മായ്ച്ച് കളയുന്നു.  സ്വപ്‌നങ്ങൾ പൊതുവെ പ്രണയത്തിൻറെ കൂട്ടുകാരായാണ് അറിയപ്പെടാറുള്ളത്. കനവുകളെ ആയിരം കനവുകളെ കാതൽ ദേവനിൻ തോഴർകളെ എന്ന് നാ കാമരാശൻ (തമിഴ് ചിത്രം: നീതിക്ക് തലൈ വണങ്ക് ) ഇവിടെ സ്വപ്നങ്ങളോട് തൻ്റെ അടുക്കലേക്ക് കാമുകിയെ പറഞ്ഞു വിടാനാണ് ആവശ്യപ്പെടുന്നത്.  സ്വപ്നത്തിൽ നിന്ന് ഉണർത്തിയ കാമുകിയോട് താൻ കണ്ട സ്വപ്നത്തേക്കാൾ തിളക്കമുണ്ട് അവൾക്ക് അത് കൊണ്ട് അവളോട് ഉണർത്തിയതിന്ന് നന്ദി ഉണ്ട് എന്ന് പറയുന്നു ആംഗലേയ കവി ജോൺ ഡൺ (ദ ഡ്രീം).  ജീവിതം തന്നെ ഒരു സ്വപ്നമാണോ എന്ന് തമിഴ് കവി ഭാരതി (നിറ്റ്പതുവേ നടപ്പതുവെ..). ഏകദേശം ഇതേ ആശയം തന്നെ അമേരിക്കൻ കവി എഡ്ഗാർ അലൻ പോയുടെ കവിതയിലും  - ജീവിതം എന്നത് സ്വപ...
Read more